't Zel weer veujoar worden

t Zel weer veujoar worden,
t Zel weer veujoar worden.
Ik roek t aan de lucht,
En d'eerste holtdoef vlugt.
De winter was laang,
En ik was baang,
Dat t nooit weer veujoar worden zol.
Mor t komt aaltied wel goud.

Nog even en de scheuvels,
Ja, die kinnen weer in t vet.
k Heb poters oet de kelder hoald,
Alvast in t schuurtje zet.
Want t zel weer veujoar worden.
n Ponypeerdje zöcht gramniedeg
Noar t leste gras.
n Raaiger ropt dat t doar in t zuden,
Hail wat waarmer was.
Mor t zel weer veujoar worden.

De bontmuts, bivak, sjaals
En hansen goan weer in de kaast.
De vraauw die hoalt n klaid ter oet,
En kikt of heur t nog paast.
Want t zel weer veujoar worden.
(Ede Staal: Warffum 1941 - Delfzijl 1986)